عزم کعبہ شریف
اس کے بعدحضرت نے سفرکعبہ کا عزم فرمایا۔ شیخ شمس الدین نے عرض کیاکہ حضورکی عنایات جو اس ناچیز پرہیں اس کا شکریہ نہیں ادا کرسکتا؛ لیکن آپ کی جدائی میں برداشت نہیں کر سکتا ہوں، مجھ کو اپنی ہمرکابی کا شرف عطا فرمائیں،| حضرت نے فرمایا میں تمہاری یہ خواہش ضرور پوری کرتا؛ لیکن یہ ولایت میرے مریدوں سے بھری ہوئی ہے، ان کی تعلیم وتربیت کے لیے یہاں رہنا بہت ضروری ہے، شیخ شمس الدین قصبۂ ”منگلسی“ تک حضرت کو رخصت کرنے گئے، حضرت نے وہاں کچھ مناسب نصیحتیں فرمائیں اور وعدہ فرمایا کہ اس سفر میں جو نعمتیں مجھے حاصل ہوں گی اس سے تمہیں بھی حصہ دوں گا اور واپس فرمایا، حضرت شیخ شمس الدین وہاں سے بادِلِ ناخواستہ واپس ہوئے؛ لیکن مرشد کے ادب واحترام کا یہ عالم تھاکہ منگلسی سے اجو دھیاتک حضرت کی طرف پیٹھ نہیں کی، الٹے پیرواپس ہو ئے،ادھر حضرت کی شفقت کا بھی یہ عالم تھا کہ جب سفر سے واپس تشریف لائے تو کچھ تبرکات مختلف بزرگوں اورمشائخ سے اس سفر کے درمیان ملے تھے وہ سب شیخ شمس الدین کے حوالے کر دیے،حتی کہ ایک غار نشین درویش نے ایک فلس حضرت کو دیا تھاوہ بھی شمس الدین کو دے دیا۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972